⭐ Тоглогчдод тавигдах шаардлага🚨 Дүрэм1. Харилцаа2. Газар ашиглалт, эвдэн сүйтгэх, хулгай, дээрмийн үйл ажиллагаа3. Хак, хориотой modification4. Тоглоомын алдаа5. Сурталчилгаа6. Lag үүсгэгч
⭐ Тоглогчдод тавигдах шаардлага
Манай сервер Minecraft тоглох сонирхолтой хэн бүхэнд нээлттэй боловч найрсаг, хөгжилтэй, амар тайван тоглох боломжийг олгох үүднээс тоглогчдод дараах хэдэн шаардлагыг тавьж байна.
- 16 болон түүнээс дээш настай байх. (Whitelist-д орох шаардлага)
- Бусадтай найрсаг, харилцааны соёлтой, бүтээлч сэтгэхгүйтэй байх. (Whitelist-д орох шаардлага)
- MNCRAFT бүртгэлийн системд бүртгүүлсэн байх. (Тоглоход тань шаардлагатай)
- Discord бүртгэлтэй бөгөөд MNCRAFT серверт орсон байх. (Тоглоход тань шаардлагатай)
Та өөрийгөө шаардлага хангасан гэж үзвэл доорх маягтыг бөглөн серверт тоглох хүсэлт гаргаарай.
🚨 Дүрэм
1. Харилцаа
Шийтгэл: Хэмжээнээс хамаарч анхааруулга өгнө эсвэл серверт орох эрхийг хасна.
- Бусадтай соёлтой, хүндэтгэлтэй харьцах. Бусдыг харааж, зүхэх, ялгаварлах үзэл гаргахгүй байх.
- Бага зэргийн хошигнол хэрэглэж болох боловч доромж утгатай зүйлсийг (өмнөх заалт) хориглоно.
- Чат, самбар, ном зэрэг бичих боломжтой бүх зүйлд энэ дүрэм үйлчилнэ.
2. Газар ашиглалт, эвдэн сүйтгэх, хулгай, дээрмийн үйл ажиллагаа
Шийтгэл: Хэмжээнээс хамаарч анхааруулга өгнө эсвэл серверт орох эрхийг хасна.
- Бусад тоглогчийн барьж байгуулсан зүйлсийг эвдэн сүйтгэх хориотой.
- Бусад тоглогчийн эд хөрөнгийг хулгайлах хориотой.
- Бусад тоглогчийг шууд болон шууд бус ямар нэгэн аргаар алах хориотой.
- Тоглоом, шоглоом хийх хориотой. Маш ойрын найзуудтайгаа жижиг сажиг тоглоом шоглоом хийж болох боловч гомдол гаргах эсвэл сервер хариуцсан хүн мэдвэл эвдэн сүйтгэх үйл ажиллагаа явуулсан гэж үзнэ.
- Нийтийн барилга байгууламж, дэлгүүр, фермүүдийг зааврыг дагуу хэрэглэнэ. Анх очиход ямар байсан яг тэр хэвээр нь үлдээх хэрэгтэй.
- Дэлхийн төв буюу “spawn”-с ойролцоогоор 600 блок радиус нь нийтийн зориулалтаар ашиглагдах тул зуур ашиглахаас бусад тохиолдолд гэр, ферм зэрэг барилга байгууламж барихгүй байх.
- Тамд төвөөс 4 зүг 8 зовхист салаалсан тууш зам баригдах боломжтойг харгалзан үзэж фермүүдээ барих.
- Нийтийн эзэмшлийн газарт цөөн тооны entity (авдар, armor stant, item frame г.м) байрлуулахыг зөвлөж байна. Их хэмжээгээр байрлуулсан үед ойр хавийн тоглогчдод болон серверт нөлөөлж, гацаах эрсдэлтэй.
- Нийтийн эзэмшлийн талбайд өндөр давтамжтай redstone машин, ферм барих хориотой.
3. Хак, хориотой modification
Шийтгэл: Серверт орох эрхийг хасна.
- Тоглоомд бусдаас давуу тал олгох бүх төрлийн хак, mod (modification)-уудыг хориглоно.
- Цэвэр үзэмжийн зориулалттай эсвэл газрын зураг, HUD зэрэг туслах зориулалтын mod-уудыг зөвшөөрнө.
- Autoclick хийх хориотой. 10 минутаас урт хугацаанд ферм дээр autoclick ашигласан бол хөөнө.
Зөвшөөрөгдөх mod-уудыг энд дарж хараарай.
4. Тоглоомын алдаа
Шийтгэл: Серверт орох эрхийг хасна.
- Тоглоом болон серверт илрэх bug, exploit, glitch гэсэн тодотголтой, тоглоомын зорьсон үйлдлийн дагуу бус үйл ажиллагааг өөрт давуугаар ашиглахыг хориглоно.
- Алдаа эсвэл алдаа бус эсэхийг сервер хариуцсан хүнээс асуух.
- Эд зүйл олшруулах (dupe/duplicate) алдаа ашиглах хориотой.
- Ямар нэгэн багаж хэрэгсэл, алдаа, дэлхийн онцлогийг ашиглан дэлхийн seed олох эсвэл алмаасны (мөн бусад) хүдэр олборлох зэрэг үйлдлүүд хориотой.
Онцгой тохиолдол:
TNT ашиглан блок устгадаг фермүүдийг зөвшөөрнө. Мөн TNT унагаадаг нисдэг механизмуудыг зөвшөөрөх боловч нэгэн зэрэг их хэмжээгээр эсвэл том/хол газар явуулж дэлбэлэх хориотой.
Bedrock устгах аргуудыг зөвшөөрнө.
5. Сурталчилгаа
Шийтгэл: Хэмжээнээс хамаарч анхааруулга өгнө эсвэл серверт орох эрхийг хасна.
- Ямар нэгэн веб сайт, discord invite, серверийн ip зэрэг зөвшөөрөгдөөгүй хаяг бичихийг хориглоно.
- Өөрийн бүтээсэн контентийг (видео, нийтлэл г.м) байрлуулж болно.
- Not Safe For Work (NSFW) агуулгатай контент хориотой.
6. Lag үүсгэгч
Шийтгэл: Хэмжээнээс хамаарч анхааруулга өгнө эсвэл серверт орох эрхийг хасна.
- Серверт өндөр ачаалал өгөх бүх төрлийн зүйлсийг хориглоно.
- Хэрэв өндөр ачаалал өгч буй зүйл тогтоогдвол серверийн зүгээс тэр дор нь устгах арга хэмжээ авна.